Хуымгæнæны мæйы 7-æм боны Дунейы цæрæг адæм се ‘ппæт дæр бæрæг кæнынц æнæниздзинады бон. 

Уæдæ, «Алайнаг гимназы» ахуырдзаутæ, ахуыргæнджытæ æмæ кусджытæ дæр сæхи нæ фæиуварс кодтой ацы бæрæгбонæй. Абон сывæллæттæ, ахуыргæнджытæ æмæ ныййарджытæ бацархайдзысты се `нæниздзинад фæфидардæр кæныныл. Уый та сын фыццаджыдæр бантысдзæн алыхуызон ерыстæ, эстафетæтæ æмæ æндæр куыстыты хуызты фæрцы.

Райсом-раджы «Алайнаг гимназ»-ы ахуырдзаутæ æмæ ахуыргæнджытæ сæ уæнгтæ æнæзивæгæй аивæзтой Хæстон САМБО-йы Дунейы уæлахиздзау, Æппæт Дунейы æмæ Евразийы уæлахиздзау FCF MMA-йæ, Европæйы уæлахиздзау ММА-йæ Тыбылты Ибрагимимæ. «Алайнаг гимназ»-ы æппæт кусджыты номæй стыр бузныг зæгъæм Ибрагимæн, кæй нæм саккаг кодта æмæ нын нæ ахуырдзауты зæpдæтæ кæй барухс кодта, уый фæдыл